He mea whakatū ngā Kura Hauora o Aotearoa tekau mā whā tau ki muri, mai i “Special Education 2000”, hei āwhina i te ako a ngā tamariki ina māuiui rātou mō te wā roa, ina ngaro hoki i te kura.
E toru ngā Kura Hauora i Aotearoa – te Kura Āwhina Ora o te Raki, te Kura Hauora o Te Upoko o Te Ika, me te Kura Whaiora ki Te Tonga – ā, āwhina ai ēnei kura i tōna 2,500 ākonga ia tau.
Kua pōhēhē ētahi ko ngā tamariki i ngā hōhipera anake ngā tamariki ka āwhinatia e ngā Kura Hauora. I pērā ai te pōhēhē o ētahi nā te pūtakenga mai o ngā Kura Hauora i ngā Kura Hōhipera o mua, he rūma, he whare ō rātou i roto i te hōhipera, engari kei waho noa atu te taunga atu o ō mātou haepapa i ngā papa whenua o te hōhipera i ēnei rā.
Ka hora ngā Kura Hauora i te tautoko mātauranga ki ngā tamariki ahakoa i te hōhipera, i te kāinga, i te hapori rānei. Hei whakaahua tēnei huringa i te whakahekenga o te wā noho o te tūroro i te hōhipera kia taurimatia i ēnei rā, me te mōhio tērā anō ētahi māuiui wā roa e kore e maimoatia ai te tūroro i te hōhipera.
I ēnei wā, ka tae ki tōna rua hautoru o ōna wā e whakaako ana ngā kaiako Kura Hauora i te tamariki i te hapori, ā, kotahi hautoru noa iho o ā rātou mahi kei ngā hōhipera. Nā tēnei whakaūnga o te titiro ki te whakaako i te hapori ka puta te take mō te huringa o te ingoa i te “Kura Hōhipera” ki te “Kura Hauora” i te tau 2000.
I tīmata te Kura Whaiora ki te Tonga tekau mā rua āna kaiwhakaako i ngā pūtahi e ono huri noa i te Waipounamu, e whakaako ana i tōna 100 ākonga i te tau. I te whānui haeretanga o te kura kua tae ki te 21 āna kaiako i ngā pūtahitekau mā tahi, e whakaako ana i tōna 700 ākonga i te tau.
He mea nui kia mōhio ka taea e ngā ākonga māuiui te kawe haere tonu i ā rātou akoranga, me te tautoko mai a ngā Kura Hauora i a rātou.