Ko wai mā mātou?
He Kura Kāwanatanga Ahurei te Kura Whaiora ki te Tonga mā ngā Ākonga Tau 1 ki te 13.
Ko wai mā kei te whakamahi i ā mātou ratonga?
Ko ngā ākonga kura Tuatahi, Tuarua hoki e māuiui ana, e noho ana i Te Waipounamu, i Rakiura, i Wharekauri/Rēkohu rānei. Ehara te māuiui i te mea nui rawa, engari ia tā mātou titiro ki te āhua o te māuiui o te tamaiti me tana kore e tae atu ki te kura. Ko tā mātou mahi ia he āwhina i a rātou kia ako haere tonu, kia āwhinatia hoki te hokinga atu ki te kura, i te hokinga mai o te ora.
Me pēhea mātou e āwhina ai?
Ka whakawhanaketia e mātou tētahi Mahere Ako Ākonga Takitahi (ILP) i te taha o te Kura mō te Rēhita, o ngā mātua me ētahi atu tāngata ngaio e mahi tahi ana me te ākonga. Ka whakawhanake ka tohatoha rauemi hoki mātou me ētahi kaupapa ako mā ngā ākonga. Whakarite ai mātou i ngā akoranga Te Aho o Te Kura Pounamu mā ngā ākonga i ngā wā e tika ana. Hoatu ai matou i ngā whāinga wāhi tuihono ki te ako. Ka whakaako mātou i ngā ākonga i te hōhipera, i te kāinga, i ō mātou pūtahi tautoko akoranga hoki. Ka whakapā haere tonu mātou ki ngā kura me ngā kaiako ake o te ākonga. Ka tautoko mātou i ngā hiahia ako o ngā ākonga. Ka mahi tahi mātou me ngā ākonga kia āwhinatia tā rātou hoki atu ki tō rātou kura ake.
Ka wai ka āhei ki te uru atu ki tō mātou kura?
Ko ngā ākonga he tiketike tonu ō rātou hiahia hauora, i runga anō i ngā tūtohu a tētahi tākuta, mātanga rānei. Kua ngaro ēnei ākonga i te kura mō neke atu i tētahi wāhanga 10 rā te roa, i tētahi 40 rā huia katoatia i te tau kotahi rānei; e taurimatia ana e te tākuta mō ō rātou māuiui; ka noho tonu ki te rōra o tō rātou kura ake; inā hoki, ka whakaurua ki tō mātou kura mō te wā o tō rātou māuiui anake.
Kei hea mātou?
He kaiako, he pūtahi tautoko akoranga hoki ō mātou i:
- Whakatū
- Wairau
- Ōtautahi
- Hakatere
- Te Tai Poutini
- Te Tihi a Maru
- Te Oha a Maru
- Ōtepoti
- Awahuri
- Te Waihōpai
Ahakoa tērā, ka whakaako mātou i ngā ākonga ahakoa kei hea, i te Waipounamu. Ka torotoro pea ngā kaiako ki ngā ākonga i te hōhipera, i te kāinga, i te whakaako tuihono rānei i ngā ākonga.